د لېسنس لوستونه

په دې برخه کې د ترافیکو قوانین او مقرارات په عملي توګه سړي ته ورښودل کيږي چې د هغې له جملې څخه د موټر دبرخو پېژندنه او د هغو برخو د دندې څرنګوالی، د مختلفو ترافیکي شرایطو سره په ښه وخت اوپه صحیح توګه اقدام کول، په خوندي توګه چلول، د موټر تېزوالی او ورو والی په مختلفو برخو کې او همدا رانګه د شپې لخوا د موټر چلولو سره ځان بلدول…
د يادونې وړ ده چې دادې برخې اکثرا ښوونکي د سړي سره ښه چلند نه کوي دا په دې معنی چې هر وخت ډېر قهرېدلي وي نو هڅه باید وشي چې سړی ورسره ځان عادت کړي او تر یوه حده یې خبرې و زغمل شي.

په دې ازموینه کې سړی هغه وخت د ګډون اجازه لري چې تیوري ازموینه یې په بریالیتوب سره سرته رسولې وي او همدا رنګه یې د موټر دچلولو ټول اجباري لوستونه (Pflichtfahrstunden) په بشپره توګه سرته رسولي وي. دادې برخې د ازموینې وخت 45 دقیقې وي. دلته باید تر ډېره هڅه وشي چې ټول ترافیکي قوانین په صحي توګه مراعات کړل شي. 

ليکنه: رحيم الله مسيد